قصيدة بيت عبسميع...

قصيدة


بيت عبسميع ...


اليأس خايف


من جميع


بيت عبسميع


والمجتمع حولينا بارد


واتزرع فيه الصقيع


واحنا الأسود

ميهمناش


نبح الكلاب ...


نهق الحمير


أو كلمه بيقولها الوضيع


والخوف جبان


واحنا ف أمان


كسرين ضلوع الجهل


ونبيع اللى خان


من يوم ما جينا للحياه


عمره ما قلنا ف مره ااااااه


سايبين خنازير البلاد


ترعى ف مزبلة العباد


ما قالنا ابدا للطغاه :


ياسيدى ...


ولا بسنا ايد المعتدى


ولا ننحنى أبدا


وعاشقين العناد


واللى مع يقولك : أنا


طول عمره عايش


تحت رجلين البغاء


دهنين وشوشهم بالعفن


ولا يعرفوش معنى الوطن


غير بس بيحبوا الغباء


مش داريانين


ان الجميع


عارفين طباع


بيت عبسميع


الجهل هارب مننا


وف دمنا


يجرى التحدى والعناد


والعلم رايته ملعله


والفكر وسطينا يعيش


عارفين مقامنا واسمنا


يتحاكى بين كل الجميع


حتى البراعم مننا


أزهار


تنور


وسط أغصان الربيع


ميهمناش خفاش

يبرطع ف الظلام


ولا ود حرام


ولا كلب بيعوعو لنا


والكل عارفه


ان دا


بياع كلام


بيخاف من النور والأمل


عايش عاوطلى ف البلد


من غير هدف


من غير عمل


راقدين على بيضهم سنين


ومششين


ومبهدلين


فوق جسمهم


مقطف عاوين


لأ والاكاده


يقولوا قال :


مش محتاجين


أبدا لنورك ياعلام


احنا اللى صح


وكلهم


ناس مش تمام !!!


واحنا أكيد


بيت عبسميع


عايشين على طول الدوام


نتحدى كل الأصعبه


والأوبئه


والنهش ف اعراض البشر


ولا ننحنى


ولا ننكسر


نتحدى كل الخلق


دايما ننتصر


مش بالكلام


بالفعل ..


نقلع


كل شئ مش محترم


عارفين حدودنا


واسمنا فوق المقام


متأسسين


من عمرنا


وف ايدنا


ماسكين الزمام


أكرم عبد السميع


سوهاج - البلينا - نجع مازن غرب